Elevrådet er elevane si stemme på Os vidaregåande skule. Gjennom elevrådet får elevar moglegheit til å påverke skulekvardagen, kome med innspel, og ta opp saker som er viktige for elevane.
Elevrådet skal bidra til eit godt skulemiljø og sørge for at elevane sine meiningar blir høyrde. Enten det handlar om læringsmiljø, trivsel, arrangement, skulekvardag eller andre saker som angår elevane, er elevrådet ein viktig del av skuledemokratiet.
Eit elevråd for alle elevar
Elevrådet består av tillitsvalde frå klassane på skulen. Tillitselevane tar med seg innspel, ønske og saker frå sin klasse til elevrådet. På den måten kan elevar vere med på å påverke skulen gjennom sin tillitsvalde.
Har du ei sak du meiner elevrådet bør ta opp, kan du snakke med tillitseleven i klassen din, som kan ta saka vidare til elevrådet.
Elevrådet samarbeider med leiinga og tilsette på skulen for å finne gode løysingar og gjere skulen til ein enda betre stad å vere.
Elevrådsstyret
Elevrådsstyret leiar arbeidet i elevrådet og følgjer opp saker mellom elevrådsmøta. Styret samarbeider blant anna med elevrådskontakt og leiinga på skulen.
Elevrådsstyret ved Os vidaregåande skule – skuleåret 2026–27
- Leiar: Noah Clausen Ophuus (A-bygget)
- Nestleiar: Emilie Josefine Kyte Hylland (G-bygget)
- Styremedlem: Millie Louise Larson (A-bygget)
- Styremedlem: Kira Aga Håland (A-bygget)
- Styremedlem: Marcus Skorpen Kaastad (A-bygget)
- Styremedlem: Torjus Thorsnes Nybrot (A-bygget)
- Styremedlem: Sofie Luisa Solberg (G-bygget)
- Styremedlem: Daniel Alexander Bjørkhaug Dyke (G-bygget)
- Endre Bøe Lunde (G-bygget)
- Sigurd Barman Teige (G-bygget)
Elevrådsstyret har jamlege møte gjennom skuleåret og arbeider med saker som kjem frå elevane. Styret er også med på å planlegge og gjennomføre aktivitetar og tiltak som kan bidra til eit godt skulemiljø.
Elevane si stemme
Elevdemokrati handlar om meir enn å velje eit elevråd. Det handlar om at elevar skal få moglegheit til å seie si meining og vere med på å avgjere beslutningar som gjeld deira eigen skulekvardag.
Elevrådet ved Os vidaregåande skule skal vere ein arena der elevar kan kome med idear, spørsmål og forslag. Styret ønskjer derfor å ha god kontakt med elevane og vere tilgjengeleg for innspel gjennom heile skuleåret.
Elevorganisasjonen og Elevtinget
Os vidaregåande skule er også ein del av det nasjonale elevdemokratiet gjennom Elevorganisasjonen. Elevrådet kan delta i arbeidet til Elevorganisasjonen og vere med på å løfte saker som er viktige for elevar, både lokalt og nasjonalt.
Representantar frå elevrådet kan blant anna delta på Elevtinget, som er Elevorganisasjonen sitt årlege landsmøte. Her møtast elevrepresentanter frå skular over heile landet for å diskutere og vedta kva Elevorganisasjonen skal arbeide med.
Har du ei sak?
Har du ein idé, eit forslag eller noko du meiner bør bli betre på Os vidaregåande skule?
Ta kontakt med tillitseleven i klassen din eller eit medlem av elevrådsstyret!
Elevrådet er til for elevane og gode endringar startar ofte med at nokon seier frå.
Med venleg helsing,
Elevrådsstyret